Сұрақ -жауап эсселері

Бірі-бірінен ақылды

- Неге ақымақ ақымақты көріп қуанады?

- Бірі бірінен ақылдымын деп ойлайды.

Айырмашылық

- Адамнан адамның айырмашылығы неде?

- Бірі байлығымен, бірі кедейлігімен, бірі ақылдылығымен, енді бірі ақымақтығымен,- депті.

Рухани тақырлық

- О, кедейім, сенің менен айырмашылығың неде?- депті.

- Сен менен материалдық жағынан байсың, бірақ рухани жағынан тақыр кедейсің,- депті.

Қандай заң ең жақсы жазылған

- Қандай заңдарды жақсы жазылған деп ойлайсыз?

-Қанышерлер мен ұрыларға ұнамаған заң ең жақсы жазылған заң,- депті.

Адам неге мән бермейді?

- Адам тіршілігінде неге мән бермей өтеді?

- Уақыт өткен сайын өмірінің қысқарып бара жатқанына мән бермей өтеді,- депті.

Кітап оқыған әйел

Кітап оқыған әйелді көріп:

- Зұлымдықты зұлымдық қабылдап жатыр, - депті.

Имандылық

- Неге көп ақша жұмсамау керек?

- Имандылықтан басқаға.

Білімі жоқ

- Білімі жоқ адамды немен саластыруға болады?

- Шөл даладағы суы жоқ құдықпен,- депті.

Сұрақ

- Сұраққа жауап беруге асықпа.

- Неге?

- Қандай сұрақ болса да, екі қорытындысы болады.

- Ол қандай қорытынды?

- Бірінші қорытынды – үмітті күштіреді, екіншісі – үмітіңді мүлде үзеді,- депті.

Адамның қасиеті

- Адамның өзгермейтін қасиеті не?

- Басқаның кемшілігін тез көруі.

Өмір

- Шындықпен өмір сүретін ел бар ма?

- Шын көңілмен шындық өмір сүргің келсе, «жаңа капитализм» елінде тұрмыс құр,- депті.

Үміт

- Неден үміт күтеміз?

- Еңбектің нәтижесінен, ұл-қыздың талпынысынан, немере-шөберелердің өсіп жетілуінен, халықтың таулығынан.

Ортақ қасиет

- Барлық халықта ортақ қасиет бар, ол ғасырдан-ғасырға  дамып келеді.

- Ол не қасиет?

- Өз еңбегіне тиістісінен артық алуға бейімделуі.

Жүгіріс

-Жер бетіндегі қозғала алатын жандылардың барлығы жүгірісте, неге?

- Бір нәрсені тауып алуға асығып жүгіріп жүреді, оның не екенін өзі де білмейді.

Тарту күші...

 - Ғарышкерлер Байқоңырдан ұшып, Арқалық пен Жезқазған облыстарына қонатыны неліктен осы?, - депті.

 - Бәле, әлі соны білмейсің бе? Ол жерлердің тарту күші көп емес пе? Ғарышқа ұшырылған зымыранның барлығы осы облыстардың жеріне құлайды ғой, соған тартады ғой, - депті.

Алтынды алу.

- Қайнап жатқан қазанның ішінде қой асығындай алтын жатыр, оны жалаңаш қолыңмен алуға болар ма еді?, - депті.

- Болады, егер біріншіден қол өзіңдікі болмаса, екіншіден, «НКВД» пистолетті қара құсыңнан тіреп тұрса, үшіншіден, өзің кемтар болғың келсе, - депті.

Көшіп қону.

- Қазақтар үнемі көшіп қонып жүріпті, ол неліктен?, - депті.

- Өзіңнен басқа қандай халықтар барын білу үшін, - депті.

Екі кісі.

- Сіз менің әйеліммен тіл табысып жүрген көрінесіз?, - депті.

- Оны қайдан білдіңіз?

- Бір досым сыбыр етті.

- Онда жалғыз мен емес, екі кісі тіл табысқанымыз ба?

Ел нені айтады?

- Ел-жұрт нені айтады?

- Бүгінгі бітірген істі айтады.

- Бай нені айтады?

- Артық алған ақшасын айтады.

Кедей мен бақ

- Алладан не сұрар едің?, - деп сұрапты Бақ кедейден.

-Мың жылдық жұмағы емес, бір жылдық тірлігімді сұрар едім, - депті кедей.

Өткен күннің белгісі не?

Оны түсіну үшін оқы, оқы және оқы.

Сонда өткен күннің белгісі біліммен анықталады ма?

Әр адам ойлансын!

Бірінші дос:

- Айраным кешке жетпей су іштім, атым көшке ілесе алмай, өгіз мініп келемін, - депті.

Сонда екінші досы:

-Айраныңды молайтпайсың ба? Жылқыңды қоңалтпайсың ба? , - депті.

Жер мен адам.

Жер:

—          Адам кайда кетіп барасың,— депті

Адам:                     

—          Жақсы жер, жомарт ел іздеп барамын.

Сонда жер:

- Алысқа барып қайтесің, іздегенің мен, табаныңның астында жатқан жоқпын ба?— депті

- Содан бері адам керегің еңбек сіңіріп жерден алатын болыпты.

Адам мен еңбек.

—           Еңбек, маған өкпең жоқ шығар,— депті адам.

Сонда еңбек:

- Маған өкпелеген адам тіршілігін тоқтататын шығар,— депті.

Жолдастар диалогі

Бірінші жолдас екіншісіне:

- Сен қалай ойлайсың, жанұядағы «әмірші кім?»-— деп сұрапты.

—          Жанұялы болғаныңа неше жыл болды?

—          Алты-жеті жыл болып қалды.

—                 Онда әлі түсінбей жүрмісің? Жанұядағы «әмірші» әйелің емес пе? Отыр десе отырасың, тұр десе тұрасың, жүр десе жүресің. Тіпті қала берсе, өзің еденді де жуып жүрғен жоқ емессің бе? А!

—                  Ә, сен дұрыс айтасың, сондықтан да жанұя құрып келеміз-ау тегі.

—                   Солай-солай, аңқауым! Бұдан бұлай әйеліңді сыйлап, сөзін ұғып, айтқанын орындап жүр, әйтпесе сөзін өтпей қалуы мүмкін,— депті жолдасы.

Өсек пен қулық

—               «Өсек» қайда барасың?— депті Адал.

—                 «Қулыққа» барамын,— депті Өсек.

Сонда Адал:

—                 «Өсек» пен «Қулық» біріңді-бірің тез білісіп, жылап—көрісіп жүретіндерің осыдан екен-ау,—депті.

Жұмыссыздық

—                 Асан жәй жүрсің бе? Неге менен жасырына бересің?— деп сұрапты жездесі.

—                  Жұмыс таптың ба? Қашан жұмыс істейсің ден кездескен сайын сұрай бересіз,— депті балдызы Асан.

Сонда жездесі:

—                    Әй, жақсы көретін балдызым-ай, жұмысты шын ниетіңмен іздемей жүрсің. Кім іздейді, сол табады деген бар емес пе? Жұмыссыз адам қанатсыз құс сияқты: жасырынатын жер іздеп жүреді, сенің дәл қазіргі күйің сондай құсқа ұқсайсың-ақ!

Адасу

Бір жігіт:

—                  Осы біз дұрыс бағытта кетіп барамыз ба, әлде адасып барамыз ба?— деп сұрапты С. Олжастан.

—                  Адам адасқанмен, адамзат адасуы мүмкін емес,— депті С. Олжас.

Ақсақал мен жігіт

— Өміріңізде неге мән бермедіңіз?— деп сұрапты ақсақалдан жігіт.

—         Естігенді жадыма сақтауға тырыспаппын.

—        Онда несіне ақсақал болдыңыз,— депті жігіт.

Не өзгереді, не өзгермейді?

Заң өзгереді, табиғат өзгереді, қоғам өзгереді, өндіріс өзгереді, ал өзгермейтін адамның адамдық қасиеті ғана, — депті бір дана.

Ақылды

Бір адамнан екінші адам:

—                Өмірдегі ең ақылды адам кім? — деп сұрады.

—                Өзіне де, басқаға да тыныштық тілеген адам ақылды, —депті екіншісі.